Տավուշի մարզի Բերդի թիվ 1 միջնակարգ դպրոցը (այժմ` հիմնական դպրոց) հիմնադրվել է 1871թ.` ծխական քահանա Մովսես Տեր-Անանյանցի նախաձեռնությամբ, այն ունեցել է 30 աշակերտ: 1892թ. դպրոցն ունեցել է 3 դասարան` 50 աշակերտով: 1915-16թթ դարձել է եռամյա: 1920թ. դպրոցն ունեցել է միայն մեկ դասարան` 25 աշակերտով: 1923թ. դպրոցը դարձել է քառամյա, 1925թ.` յոթնամյա, այն ունեցել է 7 դասարան` 150 աշակերտով: 1927թ. դպրոցը տվել է իր առաջին շրջանավարտները: 1933-34 ուստարում դպրոցը դարձել է միջնակարգ: 1935-36 ուստարում տվել է իր առաջին շրջանավարտները: Նրանցից շատերը հետագայում ձեռք են բերել բարձրագույն կրթություն և կազմել մասնագետների այն բանակի մի մասը, որն այնքան անհրաժեշտ էր մեր երկրին(գյուղատնտեսներ, տնտեսագետներ, բժիշկներ, մանկավարժներ, փիլիսոփաներ, կենսաբաններ և այլն): Նրանցից են` պատմական գիտությունների ոլորտում Անդրանիկ Բաղմանյանը, Կամո Ուդումյանը, գյուղատնտեսական գիտությունների` Նիկոլայ Գաբրիելյանը, Ռաֆիկ Վիրաբյանը, Ռոբերտ Մելիքյանը, տնտեսական գիտությունների` Սերյոժա Մելիքյանը, բժշկական գիտությունների` Տիգրան Վիրաբյանը, Միշա Գիժլարյանը, վաստակավոր ուսուցիչներ են Հրայր Անանյանը, Սուրեն Քալանթարյանը, Հարություն Պողոսյանը, Արմենակ Բաբայանը, Սոնյա Այդինյանը, Անժելա Արամյանը, Սոնյա Մելիքյանը և այլոք: 1978թ. դպրոցը տեղափոխվել է Սորանի բարձունքում գտնվող նոր մասնաշենք` 1176 աշակերտով: 1993թ. դպրոցը տեղափոխվել է թիվ 3 մանկապարտեզի նախկին շենք, իսկ այժմ թիվ 1 միջնակարգ դպրոցի մանկավարժական կոլեկտիվը պարապմունքները անց է կացնում նախկին մանկապարտեզի` հարմարեցված, վերանորոգված շենքում` հագեցած ժամանակակից տեխնիկայով և կահավորված սենյակներով: Միջնակարգ դպրոցի առաջին տնօրենը եղել է Ս. Գրիգորյանը, փոխտնօրենը` Փաշո Ավագյանը, ապա` Սուրեն Խուդոյանը, Սուրեն Սերոբյանը: Հեատագայում ժամանակագրական հաջորդականությամբ դպրոցը տնօրինել են` Ջահան Աթոյանը` 1939թ., Պերճուհի Անանայանը` 1940թ., Արամ Գրիգորյանը` 1941թ., Ալեքսի Օրդյանը` 1941թ., Ջահան Աթոյանը` 1943-1945թթ, Մարուսյա Սաղումյանը` 1945-1949թթ, Հարություն Վերդյանը` 1949-1959թթ, Կոստյա Մարդանյանը` 1959-1984թթ., Ռուբեն Մկրտչյանը` 1984-1993թթ., Արտուշ Վիրաբյանը` 1993-2020թթ. ,2020թ.-ից մինչ օրս ԱՆԱՀԻՏ ՋՈՒԼՀԱԿՅԱՆԸ : Փոխտնօրեններ` Ջահան Աթոյանը, Եվգինե Ձուրիկյանը, Արմենակ Բաբասյանը, Բագրատ Սարգսյանը, Սուրեն Քալանթարյանը, Հարություն Վերդյանը, Վաղինակ Քարամյանը, Անդրանիկ Մելիքյանը, Մարուսյա Սաղումյանը, Իվան Թումանյանը, Ռայա Ապրեսյանը, Անդրանիկ Մխիթարյանը, Գրիշա Խանաղյանը, Ասյա Եղիազարյանը ,Աշխեն Հարությունյանը և ՄԻՆՉ ՕՐՍ` ԱՆՆԱ ՄԿՐՏՉՅԱՆԸ :
